今日我收到今個聖誕的第二份禮物，係一個同事送的，是隻可以換衫的水果kitty，它有一系列五款，她送左pineapple那款給我，我就放係公司枱頭
今天原本可以在７點走，因為我係７點交完我要交的report，點知，咩叫做「執輸行頭」，今日就體會到，本來個FM叫左新同事做個report，７點佢都未做完，原本打算走，留返比個FM去review佢做的report，點知，我正想準備執野走之前，個FM話她要走，叫我review完佢的report，今晚要send埋出去，唉，我早５分鐘搞掂自己個report走左咪唔使review人地嗰個lor，５分鐘．．．真係可以改變好多野．．．
有時我都幾唔明，呢間公司的呢個report，我都未做過，叫一個未做過的人去review另一個第一次做的人的report，結果係，咪要打電話求救，搞唔掂，求其砌住個數，交左出去先，聽日等佢再review。最後搞到９點幾先至可以走得
可以換衫的吉蒂呀...唔知我見過未呢? 有無相睇呀? 算啦! 係無得say no的情況下都唯有照做
回覆刪除我諗你可能見過．．． 其實係D candy toy，有個公仔，有幾粒糖仔，佢件生果衫可以除出黎，相呀．．． 聽日帶返屋企影左佢就擺上黎啦 今日晏晝同同事”申”左幾句，佢係六點三就叫我走．．．哈哈，叫我早走過FM，當然，我又係做唔到，因為尋日個report，我發現錯左一D好重要的figures，尋日趕住走，所以assume同事run出黎的data係啱的，無再double check，今日我再睇返個data，才發現．．．錯到７晒彩，唯有revise個report，但．．． 諗唔到有咩excuse呢D唔應該錯的figures居然會錯．．．我覺得好似仲慘過自己一開始由自己做．．．
回覆刪除