回家了

上個星期六，在上的士途中，突然抽搐和呼吸不順，所以，立刻call了白車，問病人在哪裏，說在某座大廈出面的一架的士裡，問可否扶病人出黎，佢整個人都"軟賴賴"，跟本無能力將佢扶出去，唯有，在的士裡等白車的到來！

在白車上，佢已經好返好多，沒有再呼吸困難，安全起見，當然送去急症室檢查一下！

***

醫生：「佢有抽筋，開返隻止抽筋藥比佢食啦！」

家屬：「佢之前食過，食到個人溫溫鄧鄧，除左床同梳化，都唔想行和郁，佢已經無咩活動能力，食埋隻止抽筋藥，咪只可以留在床上？」

醫生：「雖然係有副作用，但，唔應該明知有方法預防抽筋，都唔去預防架？」

家屬：「副作用太強，令到佢無晒所有活動能力，增加左照顧的難度，真係要靠兩個人扶先得！」

醫生：「咁，份量可以調較」

家屬（無言以對）

***

家屬：「頭先忘記同醫生講，病人有drug allegy」

姑娘指住張紙上面的drug allegy講：「呢到有寫，醫生知架嘞」（語氣十分惡劣）

家屬：「病人要去廁所」

姑娘：「等陣先啦，我做埋野先啦」

家屬：「忍唔到架喎」

姑娘好惡咁再講：「等一陣先啦，好快做埋我d野先啦」

突然聽到廣播，有四個emergency！

姑娘：「有四個emergency，你地等陣先啦」，佢一路講一路將佢未抽完血的東西收拾，就call mic叫人推病人出去

家屬好激氣，咁的態度，無心救人，就唔好黎做姑娘，病人都係人黎架，唔係連去廁所的權利都無架麻？

***

到最後，病人都送了上去病房留醫

***

醫生和姑娘都覺得佢係抽筋，但，抽筋真係會全身乏力，軟賴賴咁樣架咩？抱有懷疑

***

留院一個星期，終於，可以返屋企了！