高思雅的第一個月

她來到我們家，好快就已經一個月了，她亦收到她的第一份糧。

昨天，她和我說，她要買電話，想打電話返老家，又想去洗牙。洗牙？我都問左她好多次，才聽得明白她想去洗牙，我同家人講返這件事，家人話，她是不是要買牙膏，唔係去洗牙呀？我唔知，今早再問，我無理解錯誤，她真的是想去洗牙！

於是，我便和她到家附近的商場逛逛，睇下電話和洗牙的價錢，因為，這兩樣都是她自費的，我最多是陪她去問去買！最便宜的N仔，都要$599！

之後，她才跟我說，她朋友在旺角買到$200的N仔，於是，我便陪她去，行了幾間電器店，她想要有收音機功能的N仔，最平的，都要$299，她就扑搥買左呢部！

還要買SIM card，問下才知道，原來有些專門打去印尼的SIM card，會比其他平一些，因為全是印尼文，連個職員都解釋唔到比我聽，唯有比她自己睇，她覺得啱就買！

之後，我讓她自己回家，當然，我有點唔放心，都係陪她去到小巴站，讓她上車後，我才自己去做gym！免得她迷失於旺角中。

當然，她沒有迷路，順利回到家！

今天是她的假期，所以，我做完gym就回家煮飯，今晚，都係吃昨晚的雞，豬肉和湯，只多煮一碟菜心就算了。雖然我說不用她煮，由我來煮，但，她始終留在廚房幫手！