維修

尋晚同今朝，我都有聽電話，打電話，收發message，所以，我無意識覺得部手機hang左，因為，除了個short cut key，其他的東西都一切如常！

不過，lunch時突間諗起，不如熄機睇下work唔work，原來，真係得喎，部機只係hang住左個short cut key！手機呢d"高科技電子零件"，真係搞到我一舊雲！

放工就拎左去旺角的維修中心，同個職員講，部機個接收有些問題，佢立刻問我，有無同網絡供應商查詢過，我答無，因為，一路都用同一個台，以前手機都無呢個問題，而且家人朋友也用同一個台，所以，我唔覺得係網絡商問題！

之後，佢話，其實都有可能係網絡商，就算佢用最先進的手機，係同一地方，但唔同台，都會影響手機的接收能力！

佢又話，我張SIM卡好舊，可能追唔上個台的技術，亦可能係我部機好慢的一個原因！

至於個制，佢就話可能係某一個application hang住左，不過亦一同check埋喎，明天可以拎返部機！

雖然最後佢都會幫我拎部機去check，不過感覺上，覺得佢認為那些問題，係網絡商的問題，唔係個手機的問題囉！

唔知呢？點都好，佢咁講，我就去網絡商到換了一張新的SIM卡，等明天拎返部手機，放張新的SIM卡落去，就可以解決到接收的問題就好了！