話說我近排成日覺得部手機有些接收的問題，不是打唔出，收唔到，就係中途斷線，所以，心郁郁又去睇手機！
不嬲我都唔係嗰D睇啱就買的人，通常都會格下價，又等下遲D跌價，又或者睇下有無人有discount等等，我才會扑搥買！
前兩日，朋友叫我，不如趁部機仲有保養，拎去維修中心整下個接收，佢話呢隻牌子的機無咩好，就係pro-services做得好喎，（哈哈，即係佢d機好易壞，要經常去維修？）
我都係聽完就算，覺得，打唔出/斷線咪再打，收唔到，我都未必次次知，由得佢算數！
今日，它終於發我脾四，居然，壞左粒short cut key，雖然我仲可以係menu搵返D function黎用，但，無咁方便囉！
維修中心，我點都係要黎幫親下你嘞！
小雲小吉: 我
回覆刪除魔鬼小吉出場引誘你呀!
嘻嘻嘻嘻!! 好心你趁部手機壞左就即刻買啦 !! 吾係又 左唸右唸又拖拖下又吾買 呀! 何況你日日都會用部新 手機都開心 d 啦!! 信我今晚快d買部新機 ! 早買早享受 !!吾好再唸啦 !! 除非你部舊手機仲未過保養期!就拎去維修中心啦!!
[版主回覆10/16/2009 08:37:00]好耐無見喎，哈哈！
我部手機未夠半年，都係整下先啦...
原來，身邊有好多魔鬼，同人講我部機有問題，佢地第一時間叫我，trade左個，買個新，仲話，舊的唔去，新的唔黎
接唔接收到都係好大問題架！ 對方講野你又聽唔到，你又要對方講多次。 可能搞到大家都勞氣！無引！ 我就成日同某人都係敢喇！
回覆刪除[版主回覆10/16/2009 08:39:00]某人，好似有d暗示咁喎，係咪同我差唔多名的人講架？
我都係拎左去整，今日可以去拎返，希望可以解決呢個問題
佢咁小器就唔好理佢啦! 換過換過!
回覆刪除[版主回覆10/16/2009 08:43:00]我都想...但，半年未夠，又好似嘥錢左D呀...所以，睇下整完會唔會好d...
我睇中嗰部係N79，不過，佢太似我之前部N73，又覺得，係咪應該揀過部其他的呢?其他睇中的就out 晒budget，不在我考慮之列...啱bud的，又揀唔中！
小雲小吉 : 啊... 你話同你個名差唔多的人講架!!你話 小雲 !! 你 無理由會話 小吉 我架??
回覆刪除[版主回覆10/18/2009 22:48:00]究竟係邊個,你問小雲至知嘞