高思雅在我們家已經兩個月了，之前都是我們帶她買餸，由我們決定買些什麼，她只負責拎野，今天，我就叫她，由她發板今晚煮乜餸，自己決定買咩？
我比了錢她，同她一齊去街市！
她會問我咁多夠唔夠，要買幾多等等，其實，我都唔係太清楚，事但啦，唔會太多或太小就算啦！
佢話買豆角，我唔食豆角，佢話買莧菜，我話我唔食莧菜，不過佢可以買，但一定要買多一種菜，我唔食莧菜，要有其他菜比我食
最後，買了六條魚（我都唔知叫咩名的魚），她還分了兩個煮法，有煎和蒸
第二碟係蒸豆腐，我問她會放什麼一齊蒸，佢又答我唔出！
到晚上，噫，唔係成件豆腐蒸，而係搞碎左，加了雞蛋和蔥一齊，味道本來不錯，但家人大多唔鍾意食蔥，所以，我們要從豆腐中揀出蔥粒，比較麻煩！同佢講，下次一係唔好放蔥粒，一係放大粒的蔥粒，方便揀出
苦瓜炒雞翼，佢無醃過d雞翼，所以無咩味！我唔食苦瓜，但家人覺得ok!
通菜，平時食開豆豉炒，腐乳炒，椒絲炒，但今次，佢用左蕃茄，洋蔥，和紅椒黎炒，味道都幾好!
蝦有蝦味，魚有魚味，咁d通菜有咩味呀？就係有...蕃茄味嘞！
蕃茄通菜d顏色紅紅地, 甘又幾特別wor
回覆刪除[版主回覆11/01/2009 14:37:00]我都覺好新奇,不過味道ok
"唔會太多或太小就算啦" --->即係要幾多
回覆刪除"唔食豆角-唔食莧菜"--->麻煩
快D鼓勵下佢, 佢做lee餐飯都應該好震....
[版主回覆11/01/2009 14:41:00]即係夠我地咁多人食的份糧,哈哈
佢梗係要知我地有咩唔食先食啦...煮左無人食會嘥晒
唔會掛,我無係廚房睇住佢煮
蕃茄通菜又幾得意喎! 下次都試下先! 個豆腐乜野味呀? 係咪佢想整琵琶豆腐呀? 整碎哂後放落隻匙度蒸, 之後再煎果d呢?
回覆刪除[版主回覆11/02/2009 10:29:00]乜野味呀? 其實都無咩特別,只係有蔥的香味,食落都ok 琵琶豆腐,應該唔係,佢話係蒸豆腐
佢話買A,你唔食A,買B,又唔食B,會唔會話你煩??
回覆刪除蒸豆腐好好味咁喎.
[版主回覆11/02/2009 10:36:00]佢把口一定唔敢話我煩,哈哈
味道都ok
咁要比多d機會佢自己發板勒, 可以知道佢有幾多功夫, 同埋你哋有多d驚喜 (希望唔係驚嚇)!
回覆刪除[版主回覆11/02/2009 21:06:00]好,weekend又比佢試下
小雲小吉: {{佢話買豆角，我唔食豆角，佢話買莧菜，我話我唔食莧菜}} 主人你想食乜野呀 !!你吾好玩我啦 !! 你又吾食蔥架??食蔥會聰明架 !! 好彩佢煮完出黎!碟碟都見得人同埋幾好味就得啦!! 吾係就...............
回覆刪除[版主回覆11/03/2009 08:41:00]唔係玩佢...只不過...要佢知道有咩我地係唔食啫...嘻嘻
食蔥會聰明架, 你又係到呃細路嘞...
我唔係太醃尖架咋,只係...唔係樣樣野都食啫...