Diving Resort Travel Expo

今天突然比家人叫出街，陪佢去睇呢個展覽，由尋日到明日，一連三日，免費入場。

無事出街又破財，我唔打算學潛水，因為消費太高，所以，我都係去玩下水，只係陪家人出去逛逛這個展覽。

上次同朋友去游水時講開，可以平平地買件衫，玩水上活動時著，今次見到特價，只需$70，所以，我就買左呢件rash guard回家了。（回家才發現，我其實係想買白色，但最後唔知點解同人講左要黑色，哎！）

買件衫本來都唔算破財，都係一百有找，都ok，最貴，係買左..............

 

 

這款防水殼，之前去沙巴前都見過，但，覺得貴，而且又唔知玩幾耐，所以無買到，反而今次無端端，係無心的情況下，就買左。

（這張相來自該公司網站，我買的是綠色的）

本來都有心想買部平平地的防水相機，家人的朋友之前用了$1K樓下就買左部promo的display相機，但，我有時去睇，都要二千幾蚊，撞唔啱promo，而且只可以10M，但這個防水殼就可以去到40M，啱我家人潛水時用。心大心細的情況下，就買左佢。

明天，家人就會帶佢出去掂掂水lu！