無事忙

今朝八點三未夠，食完早餐，阿姐走黎問我，八月會唔會放假，我會放18同25，咁佢就問我，18號可唔可以唔放，係咪有野要做？我話我有野做，要放假，佢就"的"左我入房，點知，一坐就係兩個鐘。

原來佢想我18號唔放假，同佢16號一齊飛SG，我就講我要就一就，有人幫我做就可以唔放假，說明天覆佢。佢同我講左一個消息，雖然突然，但唔感到意外，我諗亦可能係因為呢個原因，佢想我一齊飛SG。

本來以為傾掂可以出去做野，點知，佢一輪咀講左好耐，雖然我都係依依哦哦咁應佢一句半句，但，最後要兩個鐘先出得返黎。

跟著出黎開始做野，點知個system又唔生性，又搞左我兩個鐘。話咁快又lunch hour！

同客食飯，又食到兩個幾鐘，做一陣又開會，三點傾到四點幾，之後隔離dept要問野，回到坐位又已經接近6點，come on，尋日唔係office加埋今日無時間check email，兩日收左二百幾個email，六點鐘，D同事開始走，我才正式開始今天的工作。At least，要睇晒所有email先放工，知道有乜要做，有乜只係睇下。咁又搞到八點。

我都話尋日唔去seminar架啦，出去一日training，今日就忙足成日，哎!