李克勤與香港小交響樂團音樂會2011

終於等到佢單拖上陣，今次與小交響樂團合作，我好期待佢的演出。

星期四晚，準時8.20pm開始，最鍾意D歌手準時開show！因為我覺得要等慣性遲到的觀眾，對準時入場觀眾好唔公平！

著了一套粉紅的衫出場，有D睇唔慣tim。先唱了一些比較新的歌，如plug緊的天河，及去年大碟的罪人，嬤嬤等等，之後，當然係一首又一首的經典金曲。

除左小交響樂團外，還有五個唱吹高中低口琴的，三個男高音，一個中樂三弦樂師一齊演出，非常精彩。

其中他調轉頭唱舊歡如夢，雖然睇左報紙，但，聽嗰陣，都係聽唔出佢唱緊邊首歌，直到佢出playback，"reverse"咁播返首歌出黎。

另一段是他一邊唱別人的歌，而電視播出的新聞片段，又真係好到位。（雖然唔係佢諗出黎）

雖然原本打算睇最平，因無飛買左中價飛，但都覺得值得欣賞！