執屋 (上集）

今天去了幫人清潔屋企，因為佢預備搬入去住，所以，要清潔清潔！

雖然屋仔細細，但，每個地方都要抹，都要用幾多時間，好耐都無咁樣做過清潔，真係幾攰架！

下午，仲約左人去打羽毛球，不過，我遲左成半個鐘，好彩，我book左兩個鐘，都仲有個半鐘頭打！其實，我都休息左差唔多半個鐘才開始打波，實際，我都係打左一個鐘左右！

Lunch都未食，好肚餓，所以，打完波去食tea，四個人叫了5個餐，我地都幾大食，哈哈！

五點左右開始食，其中一個7點左右走左，餘下三個，居然不知不覺，吹水吹到9點，三個女人一個墟，真係無錯，傾咁耐，傾d咩呀？由本地新聞至國際時事，由結婚生仔到公司，咩都傾下，真係乜都講得一餐！好在間餐廳唔係咁多人，我地坐咁耐，都無趕我地走！

回家前，本想買部電腦才回家，因為家人之前已經揀好，我拎住model no就去買，點知，個sales又話無呢樣無嗰樣，搞到我都唔敢扑鎚買，咪call返家人睇下點，可能個sales見我要call人問呢問路，開始無心機理我，有d野真係雙向架，佢無心機sell，咪算lor，我又唔趕住買，最後，唔買走人！