悠閒遊浮羅交怡 (四)

悠閒遊浮羅交怡 (四)

2014年6月21日（星期六）

浮羅交怡

約左司機十一點黎接我地，所以今早晏起身，可以行遠小小去食早餐。魚旦粉。

在lobby等到十一點三都未見司機，唯有請酒店職員幫忙打去旅遊公司問下，搞左好耐，十一點九司機先黎到，佢話架車壞左，要換車，有打過比我，不過冇人聽，當時我仲諗，冇miss call話，邊有打過比我？後來才發現，原來我手機唔知幾時開始，冇左services，要熄機開返先可以打和接電話。

上左車，佢就問我地想去邊？我們打算去生果園，野生動物園，cable car和underwater world。

佢就首先車我地去左生果園，比左錢入場。

係入面其實係坐車兜圈，好彩是坐車，如果要自己行，肯定會中暑。

坐左一陣，就落車食生果。每人一碟。

呢架就係我地坐的車。

食完生果影下相，就繼續坐車。

在中途下車影相，好無聊咁戴左副超。

.

睇唔睇到生果呀？

好熱，上車後就同司機講，都係唔去動物園，直接去坐cable car。

好彩唔係太多人，等左十多分鐘就上到車。

中途有個地方可以下車影相。不過天色麻麻，有點灰朦朦的感覺。

可以上返cable car再繼續上。

這就是sky bridge，可惜不對外開放，無得出去試下膽量。

上到最高就下車(離海700米)，再影下相。

好熱，食支雪糕先。

然後落山，不過衝落去嗰陣有點過山車feel，不過當然冇咁激。

下一站係Underwater World，買左門票就入去了。

呢到見到的魚，當然比我地係Palau Payar睇的大好多，種類多好多。

有企鵝呀，而且佢地唔係企定定，會游下水同行下架。

行左一個鐘左右，就睇完了。

本來打算去一個收May Hian的餐廳食海鮮，司機就推介另一間叫Fish Farm，其實我地又冇乜所謂，就去了Fish Farm食海鮮。

今次叫了蟹，老虎蝦，賴尿蝦，青口（本來想叫炒蜆，但冇），和小唐菜。

全間餐廳只有我們一枱，所以食物好快就上晒。

後來，才發現，原來，出面有另一些枱，可以望住個海食飯架。

食飽就回酒店。