食玩買浸@日本(四)

食玩買浸@日本(四)

2014年5月17日（星期六）

大板

今天一早要去Universal Studios Japan (USJ)，所以我們綠茶蛋糕加士多啤梨作早餐。

入場劵在香港已經買了，同事話fast pass要當日買，我們搞左好耐，原來售票處是有fast pass賣的，有兩款，7個games和4個games的，我們買了4個games的，因為她們好似唔想玩太多。

1.     蜘蛛俠驚魂歷險遊;

2.     太空幻想列車or魔鬼終結者or侏羅紀公園乘船遊；

3.     浴火赤子情or好萊塢美夢乘車遊; ＆

4.     大白鯊or回到未來乘車遊。

怕濕身，所以有水的一定唔玩，乘車遊好似好hea咁，所以揀浴火赤子情。所以選左太空幻想列車，浴火赤子情和回到未來乘車遊。

出發

周圍逛下影下相，見到「芝麻街4-D電影魔術」只要等15分鐘，所以就入去睇下。前序的那段，大家企係到睇video，好長，而且全日文，完全聽唔明。有點懷疑，呢個4-D就係睇video咁搞笑？企左好耐，終於可以正式入去睇4-D，雖然都係全日文，唔知講乜，但視覺效果都好吸引我。

用第一張fast pass的票，去玩「太空幻想列車Space Fantasy-The Ride」，是黑暗中的過山車，都幾刺激。

入園的時候已經見到好堅的過山車，本來想排隊玩，但見到要排190分鐘，Oh No，放棄了。

用第二張fast pass去玩「回到未來乘車遊」，這個就坐在一架不會向前行的車中，但望著前面，就有種衝鋒陷陣的感覺，但一望左右，就發現其實自己坐緊的車係唔郁的，只會左搖右擺。

今早早餐太輕型，所以早點食lunch。我們選了食pizza/pasta。日本治安很好？我見到有些日本人，將手袋等放在枱上霸位，全部人都一切去晒買野食，如果是我們，一定最少留返一個人看野。

食飽後，本來想用第三張fast pass玩「浴火赤子情」，當我們想比飛職員之際，我發現這張fast pass可以玩過山車，我便問，為什麼我們唔用黎玩過山車？朋友S話朝早我們揀左，話乘車遊太hea，所以玩火。但原來，佢寫的「好萊塢美夢乘車遊」，就係我們今早要排190分鐘的那個過山車。在門前擾攘了一輪，最後都係冇比飛那職員。哈哈哈哈。

朋友S怕玩過山車，但我好想玩，所以，問下朋友M，原來佢都想玩過山車，所以，我們就分開玩。今次再去，只要排120分鐘，但我們fast pass就好快可以入到去。

我們上到去，見車尾，坐最後一行都應該OK，但原來，這架車是由尾向後衝的。嘩，好得人驚咁。之後到我們要坐的那一架，就向前衝，咁，變左，我們，坐第一行，本想問下可唔可以調住，但人地已經排好晒住。我們硬著頭皮坐上第一次。一行有四個住，除了我和朋友M，另有兩個日本女仔，我諗大概是中學生。我們都有點緊張，職員見狀，立刻問我們ok?當然我們回答Daijoubu。哈哈。

好，預備，過山車慢慢向上行，望著高峰，有點緊張。然後，嘩，衝落下，初初都閉眼，但感覺稍為ok，就開眼去周圍望，大聲叫喊，好開心呀。大約三分鐘就玩完，沒有想像中那麼得人驚，真的覺得及時發現fast pass可以玩這個，真的好值得。事後朋友S話「浴火赤子情」好悶。

我們玩完過山車之後，就去影人地玩緊的情況，呢個位係最高峰的。

有向前衝的

有向後衝的

我們約了在kitty café等，因為過山車玩得好快，我們好早在那裡等，食了kitty雪糕，朋友S還未回來，見對面的「Hello Kitty 夢幻蛋糕杯」只要排15分鐘，所以我們又去玩。玩完她都未回來，其他games又要排好耐，所以就去shopping下。Shop都逛埋，唯有坐係kitty café等她。

等左個幾鐘，她回來了，我們以為她玩的game要用好多時間，原來，她沒有在我們等的地方等我們，自己一個人逛。所以，我們是互相地等。 

最後一張fast pass，就係「蜘蛛俠驚魂歷險遊」，都是一個4D的game，其實都係坐係架車到，但有d效果，好像被壞人襲擊，要左閃右避。

用晒fast pass，逛了一陣shop，就預備走，但在門前見到好多公仔人物，所以影埋相先走。

去ticket office買飛，佢叫我們去難波Subway station，但這樣轉車，時間沒少，但價錢貴了一倍，所以，最後我決定坐回難波JR station。

回到去，先去酒店樓下的supermarket買東西，朋友S要幫朋友買遮，買完就可以拎返去酒店。然後，我們在出發去Bic Camera，酒店職員話這裡有導出導入機賣，我們根據職員教的路線，終於搵到。

原本想買Hitachi的，因為朋友同事都係用呢個brand，但那sales話日本多人用Ya-Man這brand，左思右想，最後就聽sales話，買了Ya-Man這brand。這裡可以做埋tax refund，真好，慳返8%。不過，搞這個tax refund 都搞左幾耐下。佢話如果credit card，仲有多5% discount，我想credit card 差價唔多個5%，我想還是有著數的。事後收到bank statement，平了四十多元。

買完想買的東西，就行高島屋百貨公司入面的supermarket，買了雞翼和炸魚。我們離開在街上吃掉那炸魚，比預計中沒有咁好食。之後再回supermarket買東西，買了一些東西消夜，我們其實dinner都未食，已經買好消夜，哈哈。

朋友S想食串燒，原本佢想佢一些local細小小的shop，但我怕我們買了東西，沒位放，有d輪盡，所以建議去間大d的。Order了八款串燒，失策的是我們大家都以為肝是腎，叫了，但原來是潤。我平時都唔食潤，不過order了，唔食好嘥咁，為左自己叫的野負責吧，免強吞晒落肚。

回到酒店，要執行李，明天要回港了，佢地覺得係日本好似好耐咁，而我就覺得，係日本時間好短，轉眼明天又要走，好唔捨得呀。

食埋消夜，要開始執行李了。

我係好唔想執行李，因為買完咁多野，要放晒佢地入喼，真係有難度。磨左好耐，所的係心肝去執行李，半個喼黎，一個喼走。