沙巴之旅:與水玩遊戲之二

2011年4月17日 (Day 3)

今朝要7.15am集合，所以，我們都選了在富源食早餐，今次再叫桔仔冰，嘻嘻，終於叫對了。

由一架細車接我們去另一架旅遊巴到，我們都算早，要等其他酒店的人，才開車出發，沿途去了一間叫Nexus的resort hotel，真係好大好靚咁，有機會都想試下住。

係車上見到藍天白雲。

約兩小時車程，終於黎到碼頭，我們就坐這些快艇去美人魚島，它有分大美人魚島和小美人魚島。

約四十五分鐘船程，到達美人魚島的水上屋，先有咖啡或茶享用，然後才活動。浮潛的人先出發，拿了snorket, mask, fin及life jacket，他們就坐船去水中間浮潛。

水上屋附近好淺水，而且好清，好清楚看到水底的東西。

水上屋望去美人魚島

有些長長一條的魚，唔知叫乜名，不過好得意。

潛水的只有7個旅客，我們兩人，兩對男女，及一名單身男子。

首先instructor救了我們一些基本的知識，因我們全部都是第一／二次潛水，聽完之後，就開始穿上裝備，mask， 鐵，氧氣樽，蛙鞋。氧氣樽好重，很難才可以企起身，走去樓梯，行落海。

附近好淺水，我們7人加上4個工作人員，在淺水的地方先行練習，如何呼吸，如何減壓，如何將mask入面的水排出等基本動作。

當大家都ok，就上快艇，出較深水的地方。

上了快艇，才發現，有一個女仔沒有一同上船，唔知是否適應唔到，最後只剩六個遊客去潛水。

之前我在大堡礁試潛過一次，那時是行樓梯，跟著繩子潛落海底的。今次有新嘗試，是從快艇跳落海，再沿著繩子潛落海底。

每一米都要減壓一次，初初未掌握得到，試了幾次都減唔到壓，不停用口吹都不成，最後才試，用口吹加用鼻噴，這樣，就較容易減壓。

四個guide加六個客，只有我們兩個泳術比較差，所以有九成以上的時間，都有一個guide跟著我，幫我一把，哈哈。潛了40分鐘，去到6.3m深，我們見到好多不同的魚，好靚的珊瑚，海星及海蔘等。

水底好靚，但好凍，不過，都係值得的，雖然我們這些初哥不可以潛得好深，但已經好滿足了。

上返水面就覺得暖和了很多，揹住咁重的氧氣樽，好難先可以扒返上快艇，回水上屋食lunch。

之後，我們就上島的沙灘玩浮潛。沙灘的沙好幼細，好靚的環境，可惜逗留時間唔多。

駕快艇的人也在浮潛，佢好主動咁指呢樣指嗰樣比我睇，有一群小丑魚在珊瑚中游來游去，還有海膽，海星，軟珊瑚，硬珊瑚等等等等，可惜，未睇夠已經要走了。

我們坐快艇直接去我們來的碼頭，這程快艇，比起昨天玩的激流還要激。駕快艇的人幫我們選了最好的位置，點樣好法？就係，唔會比浪濺濕，見到其他旅客，他們被濺上黎的浪不停咁整濕。他們用大毛巾包著，回到碼頭，他們已經全身濕透，大毛巾也扭得出水，好誇張。

沒有好的地方換衫，所以，我們就濕左身上旅遊巴回市區。中途好大雨，好在我們在車上，沒有影響。

去到我們上旅遊巴的地方，我們轉回細車，返酒店。要先洗澡，才可以再出去食晚飯。

經網上推介，我們選了這間食海鮮。

選好海鮮，我就影下它們。左面是大肉蟹，中間是老虎蝦，右上角是東風螺，跟香港的品種不一樣，右下角的是沙白。

我們叫了桔仔冰和椰青，解解渴先。金邊大肉蟹（金邊係佢地的煮法，有少少辣味），肉蟹啖啖肉，正。

東風螺，配以辣椒汁及腐乳汁。不過都幾難先撩到D肉出黎食，不過新鮮好味。

芝士焗生蠔，生蠔細粒到

招牌菜，奶油老虎蝦，嗰汁好好味，最後我用來點東風螺，都唔錯架。

蕃薯菜，用馬拉盞炒，硬硬地，都幾得意。

兩個人四個海鮮加一個菜，好飽好滿足，這個trip最豐富的一個晚餐。

食飽就去了菲律賓market，逛了一轉，買了兩隻燒雞翼回酒店食。網上D人寫，一蚊一隻雞翼，五蚊五隻，十蚊十隻，但，已經無呢支歌仔唱了，已經改為1.2一隻雞翼，6蚊五隻，12蚊十隻了。

第四天