單車

2011年第一次踩單車，和小雲／小吉，由大圍出發，沿途見到一些好靚的花。

踩左唔係好耐，已經開始攰，可能太耐無運動，所以，體力差左好多。

踩呀踩呀，終於到大埔，食左小雲自制的冰菠蘿，就繼續出發去大美督。

其中有段連續兩次上斜，但，第一段勉強踩到，第二段已經無能為力，唯有推車上。

之後還有一段好似平路，但其實暗斜，有點覺得，架單車踩極都唔向前咁。

終於，去到大美督，食返個tea補充體力，小雲推介的咸檸七，不過轉左雪碧。味道唔錯，但好難＂督＂，哈哈。

食飽已經唔想再郁，所以，提議在大美督還車，可以有時間在大美督hea下。

上去大水壩路經這些花，好多人都停下影相。

坐在大壩欣賞風景和太陽，吹吹風，好舒服。

我就踩最後面的單車。

遠望馬鞍山

從未去過大壩另一邊，所以，今次踩單車過去一看，是一個集水庫，無乜特別，就回去巴士站那邊還車，好在提議大美督還車，否則，真係唔知點樣踩返大埔，哈哈。