東北縱走2010 - 預行

路線：烏蛟騰 - 九擔租 - 下苗田 - 犁頭石 - 三椏村 - 荔枝窩 - 梅子林 - 分水凹 - 烏蛟騰　(12-13km)

時間：10:00am-2:00pm

今天跟sleepy和她的朋友行山，行的是東北縱走的前半截！已經有心理準備她的朋友行專業（雖然有心理準備，但體力就準備唔到），都有些擔心，跟不上他們，要讓他們久久久久久久久久等！

我們在大埔火車站坐20C小巴去到起點烏蛟騰，做了些拉筋之後，十點出發！

她的朋友一開始便問我行得快唔快，我答：當然，係超慢，我同朋友都係以好慢的速度，好似散步咁行山的，從他們的對話，我肯定，今次，對我來說，絕對係一個好大的挑戰！

十點半到達下苗田，他們要揾比賽的路線，搞了半個小時，都是搵不到，他們決定行另一條路！

他們因應我的速度而慢行，而我就盡量用我最快的速度來行！今次，都可算係我行山行得最快的一次！

沿途都沒有影相，黎到呢到（唔知咩地方），先第一次拎機出黎影下！

陽光普照的一天，但，都不算太熱！

十二點幾，到達荔枝窩

Sleepy專登帶我去影的通心樹

和榕樹

吃了點麵包，休息下，繼續行程！明天，這個地方，有一個「健行日」，會有超過3千人出席！

由荔枝窩出發之後，才是今天最「金」的開始！有一大段上斜的路，行到我氣來氣喘，上氣唔接下氣咁，但，又唔敢抖太多，怕一停下來，就不想亦無力繼續！上斜一輪，有一段稍為平坦些的，給了我喘息的機會，才可以繼續第二段上斜！

我對行山鞋，已經榮休了五年，今天，拎返出黎著，雖然比著波鞋行得好D，無咁易跣脚，但，因為無著佢咁多年，它已經無咁軟熟，所以，一開始上斜，它就"梗"脚，整了幾次，都係"梗"，要忍痛繼續行！

唔知上左幾多次斜路，三次，四次...，終於，可以唔使再上，可以落山了！

上山氣喘，落山就比較易傷膝頭，好在我借用了sleepy的行山杖，才可以順利上山和落山！

兩點，到達終點，烏蛟騰，星期六，小巴班次好疏，要3:15才有車，唔等了，由烏蛟騰行了25分鐘，去到新娘潭巴士總站，才發現，那架巴士只在公眾假期行走，OH，唯有坐的士出返大埔火車站！

肚餓，係大埔食個tea才回家！

他們上次已經行過下半截路程，他們說，下半截路程比上半截路程，仲金！

死嘞，今次我已經覺得好金，1月1日，究竟有無可能行畢全程呢？開始，有點後悔報名tim！

 

除了帶左一身疲倦返屋企外，還帶了一D瘀痕回家，因為對鞋太硬，"梗"到隻右脚瘀左幾塊！要著多幾次去街，著返軟佢先得！