Birthday @ Office

同事係一號問我，點解dept head無出email話出去食lunch，我話，上個星期老闆黎時，已經食左生日蛋糕，所以，唔食都無問題！

點知，二號，dept head就用MSN問我，星期五同同事一齊出去食lunch啦，因為佢下午要放假，唔能夠同我地一齊出去！我咪話唔使，原因係，呢到無咩啱一大班人去食，我又唔係好想去飲茶，因為食得太多次，而且，每一次，都叫得太多點心，要「迫」人去食晒去！再者，晚上約了食buffet，唔想lunch吃得太飽！

推了多次，最後佢話當係gathering，食野係其次，我無話可再說，咪答okay！其間，Manager又MSN問我星期五一齊食lunch好唔好，我唯有答okay呢！

所以，今日，一大班同事就去了飲茶，原本佢地比我畫點心，我只畫了兩碟，就交回比佢地，因為，呢到係問責制，我唔想包底，哈哈！

今次，大家好有節制地叫，九個人叫了16碟，manager話小得制，最後都叫左19碟，通常，臨尾，都係要「迫」人去清晒所有點心，今次，都不例外！

之後，同事叫我去揀蛋糕，可能佢已經清楚，我係好揀野食的人，所以，佢叫我一齊去買！

行了兩間餅店，最後買了呢個朱古力蛋糕，都食得好飽！