兩個星期前，突然想起好耐無見過班舊同學，便send了email問她們得唔得閒八月出來聚一聚，好快其中三個就覆左ok，隔了幾天，我就send SMS去問第四個，隔了一天都無收到回覆，心裏有個不好的預感！
之後，就打電話給她，直入voice mail，我就留了message給她，隔了一天，都係無覆我電話！
心裏有陣不好的感覺，但，亦同自己講，可能她去了旅行，所以沒有覆email/SMS/call！
終於，我再打電話給她時，找到她了，原來，她入左醫院，因為之前的病令她抵抗力差左，現在就感染了腎炎，持續發燒，所以，在六月開始入院，到現在已經個多月！
今天晚上放工後去探她，我坐巴士入大圍，再轉火車，及的士，因為我唔識路，所以行錯路，仲要比我撞到個同事，比佢知我行錯路tim，"火羅爆”，係公司附近兜了一個大圈，先搵到入大圍架巴士！
探病時間到7:30pm止，我7:20pm先至到火車站，便坐的士去醫院，5分鐘唔使的車程，趕得及去到病房！但，原來她放假回家了，明天才回醫院，我白忙了一次，探不到她，便留了個message 給她，便回家去了！
因為好近的關係，又唔趕時間，走時就行去火車站，坐火車回家！
祝，她早日康復，快D可以出院！
上網搵巴士路線.唔使搵錯路lu.你朋友仲要在醫院多留幾天呢??周六去探望,行動唔使趕.
回覆刪除[版主回覆07/28/2009 08:19:00]上網搵左...但行錯左去反方向的巴士站..哈哈...
唔知仲要住幾耐... 希望佢快D好返
下次去嘅話, 記得問清楚, 免得又白走一趟!
回覆刪除[版主回覆07/29/2009 08:30:00]會架啦...
祝佢早日康復啦！下次打個電話問下先嘛！
回覆刪除[版主回覆07/31/2009 12:33:00]會架啦...唔會再白行
有無她嘅新消息 希望好早日康復啦!
回覆刪除[版主回覆08/02/2009 20:39:00]佢星期二send左SMS比我話都係唔係幾舒服...我呢幾日都無再搵佢... 我下星期再搵下佢..
真係希望她可以快d康復, 早日離開醫院 有消息再update我地啦!
回覆刪除