充當清潔女工半天

今天雖然是放假，但，絕對不比返工舒服，原因係，做了大半天的清潔女工！！！

上星期日，母親節，媽媽走入廚房，以為她想做什麼，她居然拎起塊布，係到抹牆，於是乎，我便幫她抹，就是這樣，我應承她今個星期，幫她清潔廚房。

吃完早餐之後，便開始拆抽油煙機，由買回來到現在，兩年幾來都無拆過出黎洗，所以，預計有千年油蹟，所以，預備了強力清潔劑！

拎住說明書，跟著步驟一步一步咁拆，拆晒出黎就逐件逐件洗，千年油蹟，真的好難洗，所以，都係盡力洗到幾多得幾多，下次，要買過支勁D的清潔劑先得！

洗左兩三個鐘，已經兩點幾，打算和她出去吃lunch，她又唔肯出去，唯有，叫外賣，吃過東西，休息一會，就要裝回抽油煙機，好順利安回所有組件！

搞掂晒，已經四點，出去做gym，夜晚約左朋友去食日本野，呢間都係我地多次幫襯的日本餐廳，野食新鮮但又唔算好貴，所以，想食日本野時，都間中選擇幫襯呢間！

我們點了：炸軟殼蟹卷，三文魚壽司，帶子壽司，活赤貝刺身，蜜桃蟹子沙律，炸蝦天婦羅，什錦刺身及花之戀！食得飽飽的，但，都仍然要去食甜品，今次，去了Haagen Dazs食雪糕，我試了新menu的「杏桃之吻」！然後就好滿足咁回家！！！