拜山行

今天去了拜山，我們吃過早餐後，便去到叔叔家，一齊出發去拜山，我們一行八人，要分兩架的士上，因為我們帶住好多拜山的用品，所以好多的士都唔肯載，所以，我們唯有分開企，截到的士後才一齊上車，我原本截到一架，但當他們行過黎準備上車的時候，架的士竟然踩油開車喎，又話生意唔好，的士咪又係一樣會揀客！

我唯有叫他們等我截停左架車，開左車門先至好行埋黎，否則我地就唔容易截到的士！

我們已經比清明節早了差唔多一個月去拜山，以為無咁多人，點知，塞車塞到暈，前幾年最貴都係七十幾蚊就可以上到去，今年塞左個幾鐘，坐左百二蚊的士才到達，一開始塞車時，我已經講緊，咁早開始塞車，一定係D私家車拍晒D車係上面，令到其他車好難才可以經過，況且要上落客，所以，一條行車線被拍滿車，另一條行車線要上落客，想唔塞車都幾難！

唔好話我衰，就算話我衰我都咁講，我真係想咀咒今天拍車係嗰度嗰D私家車司機，唔係有車大晒架，咁自私自利，為求自己方便，拍車係嗰度，阻礙晒其他道路使用者，令到其他車得返好少路可以經過（條路好窄），賤格！！！

我唔係話唔可以渣車，只不過唔好係度拍車阻住地球轉囉！

（發完牢騷）

拜完山，係到猶疑究竟坐的士走，還是行路，因為怕塞車，最後都決定坐的士走了！

朋友S今早call我話同我去tea，原本都想去，但因為塞車，完事後，走得黎都太晏，所以，最後都推左她，費時佢等我等咁耐！

S&M： 你地唔使担心我呀，我發下牢騷架咋，唔係有咩大件事發生過，只係唔覺意比我知道某個真相後，有D唔開心咋，我改變唔到人地，唯有自己去求變... 　"TO CHANGE"...　呢幾日我心情好左，諗左D野，知道自己暫時應該要做D咩，至於長遠的事，我會慢慢諗清諗楚