Kick Fit

上個星期fitness centre打電話給我，說有兩樣free service比我，一個係Kick Fit，另一個係（唔記得）咩野分析，他問我對那個有興趣，幫我約時間，我回覆他說：「兩個都沒興趣」，他呆了一呆，就再問我有冇試過Kick Fit，如果沒有，不如黎試下，就係咁樣，我就約左今晚去試玩！

一開始教練(PT)先叫我填份questionnarie，睇下有冇咩病咩病等等，之後就做左個脂肪測試，（係我剛join的時候都測試過一次），結果係點，當然同我第一次的時候差不多，脂肪比例33%（他說我的年紀應該係18-23%)，而我的新陳代謝只有1100，他說就算我吃好少東西都會肥！

跟著先入正題玩Kick Fit，實際玩的時候只有20-25分鐘，問心嗰句，都幾好玩的，因為有些似我平時去開跳combat dance一樣，不過，這個就要帶拳套，而combat dance就唔需要！

玩完之後，PT當然沒有這麼容易放我走啦，他解釋一下整個過程分三個階段，每個階段需時多久，訓練期為3-4個月等等...我就好直接問他，要多少錢，他說要萬幾蚊一個階段，他沒有給我實際銀碼，及共會有多少堂，不過他說較weight training還要貴，之前知道weight training都要$800一個鐘，所以這個可能要成千蚊一個鐘都唔定！當然，我都推辭說沒有budget，又說自己懶，唔想比左錢去唔到等等啦！他卻說有人迫會好D，他問我之前跟PT係咪效果好些，我好老實不客氣地告訴他，上次跟PT時運動量係大D，但效果唔好，他問我點解，我就直說之前的PT沒有心機教，因為我唔肯比錢跟她學，這PT啞口無言就沒有什麼說話好講了，最後，我終於可以全身而退了！