北海道日誌 - 第四天

四月二十五日（星期四）　        晴   
札幌 －＞　滑雪　－＞　小樽　－＞　札幌　　
早餐於酒店餐廳享用自助餐，這間酒店較前兩天的新些，大些，食物款式多些，好味些，但溫泉則前晚的感覺好些！
左上角的是從升降機中影落去餐廳到，而其他的就由餐廳影的室內及室外的地方。

早餐有烘多士，好開心呀！

吃飽就出發去滑雪，原本以為去玩雪，沒想到可以滑雪，suprise，以前未滑過，今次係第一次，好興奮呀！呢個就係我地去的滑雪場，JPY4500租鞋，雪板及雪棍三寶，其他的東西就按需要而租用，防水衫，防水褲，每樣JPY2000，手套，眼鏡，帽就每樣JPY500。右上角的相片中的，就是我們學習滑雪的地方了，隔離有吊車上山滑落黎，對於我呢個新丁，更係唔會上去滑lah。
教練先敎我們單脚滑，然後雙脚，才教怎樣停，怎樣走回起點，跌倒後怎樣起身等等！我在這個只有好輕微斜度的地方滑了兩三遍，滑完一次要就回起點係一件好辛苦的事，雖然沒有什麼斜度，但已經筋疲力竭了！朋友因以前玩過，想去更斜的地方滑，我就讓她先去，因為，我要再練習練習．．．
最後我都有去滑一次高一點的，但我真的冇咩平衡力，經常都向左滑，但向左便撞野的，所以我要就住就住咁滑，最終都難逃一跌！用教練敎的方法起身，但係唔得的，唯有除左雪板之起身後才穿回！
唔得lah...滑雪係運動量好大的運動，我要休息lah... 每人有JPY1200 coupon食野，但我們沒有食晏，我們就用黎買野，朋友的朋友要買酒心朱古力，之前去的便利店都係搵唔到，但係呢度搵到，比個guide聽到，他居然同我地搶買喎！

相中的Kitty公仔，係我地買野係cashier見到，問cashier係邊度有得賣，佢見我地鍾意，就送左比我地，我和朋友每人有一個．．．哈哈．．．我們去的時候是4C，但走時已升到8C了，因為陽光充沛，所以一點也不覺冷了！

滑完雪，下站就係小樽了，音樂之城！這就是小樽運河，我看完雪景的小樽運河，我覺得有雪靚D!

我們去了Hello Kitty Cafe吃東西醫肚，這裡的杯係可以在飲完東西係拎走的，當然呢個係我地係度飲野的目的lah...其實除了Kitty之外，有些杯是係拎起的時候有音樂的，不過因為唔係Kitty，所以冇選到！之後才發現，其實可以唔飲野，齋買套杯都得架！下面間shop有個差不多半個人咁高的Kitty公仔．．．

醫肚後便周圍逛，呢度係Music Box Museum，裏面有好多好靚的音樂盒，不過，我就冇買到！

仲有好多好得意的公仔tim...

回酒店的車程時，發現日落，在車上已開始影日落，但始終車係度郁緊，唔會影得好，但落車後，發現酒店附近可以影到日落，唔入酒店第一時間走左去影相先，望著太陽慢慢下降，好有feel呀！

晚餐都係酒店，今晚的款式多好多，而且味道也好得多，所以今晚的晚餐比之前的都為豐富！那些蟹脚，剪出黎啖啖肉，very good！我們了七種cake，我覺其中三種好味道，朱古力cake，綠茶cake，還有一件好似柑味的cake都好good，其他的就一般lah。