放假了

倒數：二天

終於Friday了，今天我好有holiday mood，努力清晒手頭的工作，交低一D下星期同事要幫我follow up的工作，六點半就放工了，好耐冇試過咁早離開公司了！明天要去個fd到做野，幫佢出埋份account比auditor，我諗我都應該唔使點再去佢公司了，希望5月唔使返星期六啦

尋日同今日都去左bank攞yen，但原來有limit，過左要比bank charge，當然我唔肯比，唯有分兩日去攞！之前已經係internet換左一部份，但覺得唔係好夠，便晏晝諗住即場換，嗰staff話比我聽現鈔兌現鈔個rate會貴D，佢suggest我先放入個a/c，然後攞cash，個rate就好D，現鈔要6.663，但TT價就只需6.6614，咁當然我接受她的suggestion啦，雖然absolute amt唔係太多，haha...

明天要執行李了，但仲未諗定帶D咩衫去，因為嗰邊都仲係凍，但我又唔想著得太擁腫！每次執行李都覺得有D頭痛，成日驚執漏野

個receptionist問我放假去邊旅行，我係都唔肯話比佢聽，淨係話佢聽我會買野食返黎比佢食，佢今日係度估日本，我兜左個圈，耍左佢一輪，冇認亦冇否認，佢就再估我去海南島，我跟住就猛讚海南島好，有藍天白雲，又有陽光與海灘，點知佢就話我cheap，放假返大陸玩，海南島好差咩？我冇去過，不過我覺得藍天白雲陽光海灘，都唔會差得去邊啦！

4/20：還是只有一朵花，估計下個星期，其他的花冧都應該會開花