拜山記

今天一早去左拜山，媽媽昨天話今天要7點出門口，跟住我就同佢「講數」，佢話我6號嗰日冇去拜阿爺阿嫲，所以今日要在拜阿公阿婆前先去拜爺爺嫲嫲，我本冇所謂，因為係同一個地方，但7點出門口未免過早，我只同佢講，你要咁早出門口，叫她和爸爸先出門，我晏些才出門，最後佢同意8點才出門。

坐地鐵到筲簊灣轉坐的士，約九時多便到達，先上去拜爺爺嫲嫲，搞掂後，同親戚吹吹水，等了半個鐘才開始拜公公婆婆，我覺得今年時間調較得較好，不用像往年一樣等很久才等齊人（因為我們自己太早到，媽媽太心急），所以今年不用花太多的時間便拜祭我們的先人。

上午這活動完了之後，我先一個人回家，去了剪頭髮，已經好幾個月沒有去剪頭髮，太長了，而且之前的顏色都退得七七八八，係時候加返D顏色上去了，坐左兩個半鐘左右，完成了，髮型沒有什麼變化，只是簡單的修剪一下。