燒烤樂 + 打保齡

今日應該算係family day了，一早同爸媽去左飲茶，逛了一陣超市，係屋企hea下，下晝2:30就成家人一齊燒野食，第一次不是用炭燒，而係用電爐，所以唔可以用燒烤义，只係放係鐵枝及鍚紙上面燒。初初以為是沒有火的，但原來鐵枝那邊下面係有火的，而鍚紙那邊因為被鍚紙遮住，睇唔到下面其實有冇火的。我們預備左雞翼，牛扒，豬扒，牛丸，魚旦，腸仔，粟米，雞腎等的食物，燒左兩個多小時，吃得飽飽的！今日大陽都幾晒下，不過，好在有D大厦遮住個大陽，所以我地就係陰涼的地方燒野食，間中有D風吹埋黎，都幾舒服架！

吃飽休息一會，便去左打保齡，媽媽沒有參與，只係係度睇我們打，這裡是以每半小時收費的，所以我們就盡量爭取時間，不停咁碌，玩左一個鐘，四個人每人碌左兩局多小小！不過我都好耐冇打過保齡球了，所以就係求求其其碌個波出去就算了，不過都玩得好開心！

返到屋企都冇再煮飯，媽媽煲左番薯糖水，清下熱氣，填下肚，免得夜晚瞓瞓下餓醒，哈哈！