2014海下浮獨樂

今年第二次浮潛，第一次係浮羅交怡，今次就係海下。

怕多人入貢，所以早d出門口，去到西貢，如果早就坐低食早餐，否則就買麵包醫肚。

9點到達西貢碼頭，比約定時間早了半小時，有足夠時間食早餐。隨便入了一間茶餐廳，叫了早餐B，好快黎左件多士和炒蛋。食完，等呀等，我的火腿通粉都未到，唯有追下啦。追左五六七N次，都冇我份，等到九點半，我放棄了，同收銀講，你都聽到我追左幾多次，d野食都未黎。搭枱遲黎的人都叫晒野，食物齊晒仲食晒，我碗通粉都未到。你收小碗通粉的錢，我要走。那收銀話好難計數，立刻去拎碗通粉比我。因為時間關係，我比埋錢先食埋碗通粉，食完就閃人。

究竟碗通粉有幾難煮？半個鐘頭都唔到？

今次除左小雲同小吉，加入左小雲哥和他的仔仔一齊玩。

租艇的老闆依舊一舊雲，d數亂晒大龍。

租好晒東西，便預備出發。

＿

因為好多人租艇，只能租到三隻單人一隻雙人，冇５隻單人。

小雲哥先教授一下如何上艇，如何在就黎翻側時可以平衡返隻艇，在沙灘邊試左一輪，正式出發扒去三區。

 

海水有時好濁，唔係睇得好清。

大家考下眼力，搵下d魚仔係相中邊度？

時間過得好快，又到午餐時間。

小雲的冰涼涼粉，腸仔，提子。

仲有我的可樂味滷水雞脾。

（其實，係工人姐姐煮架，哈哈哈）

食飽休息一陣之後，扒去碼頭附近再潛過。

水好濁，出小小就清d

小雲哥教左點樣係水中上艇，雖然話要自己一個人上，但，都係要朋友幫手平衡住隻艇，先可以做到那個上艇動作。

拖住疲憊的身體，扒返去沙灘還艇，沖身換衫走人。

等左差不多一個鐘，才上到小巴回西貢。

玩飽，梗係又去食餐飽。