食玩買浸@日本(一)

今次是第三次踏足日本。

第一次：北海道

第二次：仙台＋東京

第三次：和歌山＋京都＋大板

2014年5月14日（星期三）

香港à大板à和歌山à Wakayama Marina City Royal Pines Hotel

坐9:10am的飛機，約了朋友S和M七點在機場等，因為A車開得晏，所以，就打算搭E車去機場，要一個半鐘才可以到機場，那我就要搭五點半的頭班車。我預早了小小去到，司機5:25就開車，以為早了開車，原來是5:25頭班車，好彩我早了點落去。

咁長車程，在車上瞓下先。準時七點到達機場。

今次坐HK Express，係T2出發，我搵到check in counter就坐低等她們。Check in 後，就到美心食早餐。

食飽然後入閘

要坐shuttle bus係停機坪上飛機

比原定時間遲了差唔多一個鐘起飛，好在追了點時間，只遲了半個鐘landing。

坐飛機，一定要影下靚靚的白雲啦

因為我們第一站是和歌山，要一個鐘車程，所以，我們在關西機場先吃lunch，第一餐，選了壽司。每張枱都有一個電腦以供點算食物，我們不經不覺，點了好多，它就要我們先confirm，不能一次點太多食物。

然後，食物就放在電動火車上，停在你桌邊，你就可能拎走，拎走晒所有食物，就可以按紅燈，電動火車就會回去。對於我們來說，這個點餐及送餐的服務，好新奇。

你睇下我地？叫了好多碟，好滿足呀。

食飽飽，就打算坐JR去和歌山。本來打算自己係vending machine買飛，搞了很久，就係搞唔清楚，為免出錯，我地最後去ticket office買，一去到問，個職員話，我地唔應該買佢地的車飛，要去對面買JR的，好彩，沒有懶醒。

我們的行李

我們買了去和歌山的車飛。去到月台，都怕搭錯車，所以在月台也問了職員，確保沒有錯才上車。中途轉車時問了職員，我們應該在Kainan（海南站）下車，所以下車時要補飛才可以出閘。

車站職員叫我們去2號巴士站坐巴士去酒店，但送車尾，下班車要一個小時後，所以我們就搭的士去酒店。

沒有non-smoking room，而且沒有太多三人房，所以最後都有沒其他房，唯有叫他們給我們噴空氣清新劑。

房間比我們預期大，因為已經很晏，所以我們影了一陣相就出發去浸溫泉。原本以為在酒店裏，但原來到行5分鐘左右，我們就根據職員指示的路線行去。

朋友S沒有去浸溫泉，只有我和朋友M兩個人去。入到去，拎左locker 鎖匙，打算去浸，噫，好似有d唔對路，開門入去睇，唔似係溫泉喎?後來入面的人追出來話我們聽，溫泉在2樓，哈哈，我們入錯門口。

去到2樓，正常返，跟我們上次去北海道浸時一樣。先有個地方沖涼，才出去浸。好小人，全部都係日本上年紀的女人，所以不是太尷尬。我們先去浸室外的，但浸浸下落雨，不過唔算大，所以我們繼續浸，沒理它。浸了廿分鐘就上水休息。終於見到個後生d的女人，她帶著三個小朋友黎浸。在室內我們浸了一陣，已經覺得夠了，就沖涼走人。回去時仍然落雨，不過我們都沒有帶遮，冒雨回酒店。

回去時發現出面沒有什麼餐廳，酒店的九時關門，但那時已經八點。立刻上房叫朋友S，立刻落樓去食晚餐。一間日式，一間意式。我們選了日式那間「四季彩」。

我們選了最平的平日限定，我想他們就快閂門，所以上菜也上得很快，我們也食得好快。

其中一款梅酒

未食飯之前已經好飽，但見佢的飯好吸引，好好味，最後都食了半碗，如果只是白飯，我諗我會放棄唔食

食飽飯，就去了浸溫泉的地方買野，因為之前什麼也沒帶去，所以見到東西都沒錢買。快快去買完東西就回酒店。

今早很早起來，今晚做點睡。