旅行保險

距離出發不到十日，除了一早訂左機票酒店之外，上星期亦買左保險，行程？還未商討！

上網買左保險，佢用email send左份保單比我，我好求其咁望下，突然比我望到不保事項中有＂香薰治療＂咁的字眼，咁，去曼谷做SPA保唔保？於是，今日打去保險公司問下，如果唔保，就嘥多小小錢買過另一份保險!!!!

引述：
"8. 任何非必要治療、香薰治療、滋補藥品及由健美水療場所或按摩院提供的服務。 "
此不承保事項點去理解?

個職員答覆我話，如因病而接受香薰治療，就唔包！但如係因做SPA而受傷要接受的醫療費用就包！我們去曼谷，都是食買SPA，如SPA唔包，就要買過份保險了！從來都唔會咁detail睇旅行保險，可能因為埃及事件！真係要望清楚，買保險都是買個保障，如果買左份呢樣唔保嗰樣唔保的保險，咁，旅遊保險，都唔知用黎做乜？純粹為賺我們的錢?????