2012最後一次新加坡!!!???

上個trip尾二嗰日，阿姐突然問我，可唔可以下星期再出trip麻，話老闆唔想我咁遲係12月再去新加坡，想我提早再黎。我又無乜所謂，不過心諗，乜你地無溝通架咩？如果想我咁早係11月做晒d野，咁我上個trip就唔咁plan，可以選擇遲d去遲d返，唔使分兩次。不過撞正最忙嗰幾日出trip，我只係問左一樣野，香港的工作，邊個幫我做？我今次真係唔可以兩邊兼顧，咁點算？阿姐話佢做，呵呵呵呵。

星期五返到香港，過了一個weekend，星期一返香港office，星期二，一早，又飛lu。

今次坐返CX，admin幫我book 左0800，咁早，見到即刻問admin可以book返平時book開的0855嗰班機，後來才知0855 full 左，admin驚比佢老闆話，所以幫我book早一班。我唔係咁想坐0800，我要早一個鐘出門口，於是問下下班機幾時，佢答我九點十分，初初以為是九點十，(即0950)，原來不是，是0910，即比原本嗰班遲左15分鐘。我叫admin幫我改0910，佢有點支吾以對，我問有咩問題，佢話佢阿姐叫佢book早一班唔好book遲一班，哎！如果佢老闆有乜不滿，叫佢同我老闆講。我坐0915，唔係0915先去到機場，要早1.5個鐘去到架，咁又唔計我早左返工，有無搞錯架，15分鐘都同我計。

最後爭取左0910去程，1625回程，因為1825回程要貴$4K+，為左幫公司慳錢，咁梗係早一班機返啦。


坐的士去酒店，第三次住呢間酒店，但上兩次都係坐間細房，今次可能我太遲先知要出trip，所以沒有細房了，所以今次坐了間大房。（老闆閒談時問我，上次兩個人一間房是細房，今次一個人反而大左，我話我唔知，上次阿姐話要share房，佢話share咪share lor，我可以點？）

Check in左，入到去，wow，King Bed，一個人我鍾意呀。第一次住嗰次，比左twin bed room我，兩張床，一個人點瞓得晒喎，不過佢話如果要轉房要等，所以我就算數了。第二次同人share 房，佢地居然比King Bed我地，有無搞錯架，兩個女仔，點諗，通常都唔會一齊瞓掛？完全係亂黎，今次一定要換房，我唔慣同人孖鋪。第三次，即今次，佢地先知一個人係king bed。哈哈哈哈。



有梳化



電視係梳化對面


呢間有浴缸，雖然我唔浸浴，但我始於鍾意有浴缸的房多過沒有的。（上次兩間都無）



衣櫃對面，感覺有點人地焗sauna咁。



今次酒店包早餐，唔使麻煩同事每天來陪我吃早餐。

幫人買的即食麵



買了一大支茶放係公司


行過味美珍香，買了給家人，呢個，其實，香港都有。



今次香港的工作有人頂，所以，今次出trip稍為舒服一點，可以只集中做新加坡那邊的工作。

我回程嗰日，老闆主動過黎話一齊lunch，講下去邊到食，佢話，去沙灘附近，因為是Friday，可以relax一d，我話，工作時間去沙灘附近，都係無嗰種mood啦！佢話可以睇下靚仔喎，我就直話直說咁講" I've never seen a handsome guy in Singapore (心諗，死嘞，講錯野tim，好彩靈機一觸，加多左兩隻字，補救一下) ...... except you"。（估自己唔到，咁的說話都講得出口）

老闆立刻同另一個同事講，佢唔受呢套，哈哈。

一早七點幾收到SMS，話1625班機會遲45分鐘去1710，去了咁多次新加坡，第一次見回程有delay，不過，預早通知，我就晏d才去機場。食完lunch，再收到SMS，又再delay，去到1740喎。我又再等耐了少少才去機場，到我想走的時候，又開始落雨，本來想行路回酒店拎行李，我同老闆say goodbye的時候，佢見落雨，就話要車我去酒店再去機場，幾唔好意思麻煩到佢，佢堅持話要，咁就算啦，我不嬲，都拗唔贏老闆，無論係公事定私事，由佢啦。

一路車去酒店，雨越黎越大，佢就話，你點樣行返酒店，咁大雨。我，又真係無諗過，原來，新加坡，係會有咁大的雨，之前遇過落雨，都唔算好大，雖然都會濕。

去到機場，逛了一陣，就入閘等。點知，又delay，有無搞錯呀！

1625機，最後，1900才起飛，比遲一班的1825還要遲。



回到家，已經零晨12點了。