新玩具

用左無得上網的手機半年，終於又忍唔住，要買返部可以上網的手機玩玩。

最初的選擇是Samsung S Advance和Sony Xperia Sola這兩部，都是近來新出的中價機。

尋日去了電器鋪想出機，但尖沙咀嗰間太多人，唔想迫入去買，去了另一間少人的，但佢話所有贈品都無貨，要遲d先有得拎，搞到我無即時意慾去買。

之後，記起123 send個過SMS話有零機價出機，咪打上台問下，我想買的兩部佢地都無賣，只係有Xperia S 和 Xperia U，前者零機價，join 24個月plan，後者八五折。

計晒兩部機24個月的總額，好似出部S會抵D，於是，今天就去鋪頭出機。

比個sales講多兩講，好似，join個多機共享的plan，每個月只需要加多$20，而且有多隻wifi手指送。原本打算六個月後才出這個多機共享plan。

如是者，好快，就扑搥買左呢部Xperia S，黑白兩隻色，我選了白色，仲送多個charger，雖然佢送的野比電器鋪少好多，但，因為最後我都係要上網plan，所以而家出plan，計落都OK。

因為未買保護貼，所以暫時都要用住這張原廠的膠貼貼住先。哈哈。