馬戲 - 魄動心靈

朋友問我有沒有興趣睇馬戲，都好呀！未試過係香港睇，咁咪又睇下lor！之後問佢，馬戲的名係咩，想上網睇下D介紹，點知，佢話，唔知呀，老公買飛架！

原本約了7點到沙田，大家都遲到，好在佢家人已經到達，仲order埋野食，我地去到就可即刻食dinner！

8pm就開show！原來這是加拿大馬戲團的表演，好在有字幕，所以，聽唔明唔緊要，可以睇字幕，了解故事內容。

雖然頭一兩部份都有點悶，好在之後的表演就精彩得多，最欣賞是一男一女在中國高竿的表演，還有一個女仔在一條繩上面做出的高難度動作，一大班人玩拋樽的合拍。雖然整個show有些失手，但，總算可以接受。反而，以前看過一些雜技，高難度得過份，睇的時候好驚，無咁賞心悅目。

引述康文署的介紹：


《魄動心靈》探索人類不同的心理層面，以高難度的馬戲雜技，包括雜耍、中國高竿、德國輪、空中繩技與蹺蹺板等，結合前衛舞蹈、形體喜劇、影像及音樂等元素，帶領觀眾走進不同角色的夢境、願景和回憶當中，豐富多姿。演出於2010年在加拿大蒙特里爾首演後，相繼於美國、英國、日本和法國巡迴表演，深受歡迎。

失眠、失憶，妄想和抑鬱等都市人在生活上所遇到的種種問題，與雜技藝術的正能量、振奮人心之力，形成鮮明的對比。演出不單帶出不同症狀的幽默感、美感和共通性，還讚揚個人力量能擺脫身體與自我的限制，在飛行中尋找力量、勇氣和歡愉的時刻。