忙/Annual Dinner

2012年的頭兩個星期，簡直忙到甩轆，公事上，私事上，都好忙。

私事上，好友大喜日子，做她的伴娘，平時唔係點扮靚的我，都怕失禮新娘，所以都要執執個樣，整下頭髮，修眼，油指甲，亦買了小小手飾襯下條伴娘裙，希望當日見得下人，哈哈哈哈。

公事上，少了一個人（或者佢只可以當係四分一個人，因四分三時間佢zzzzzzzzzzzzzzzzzzzzzz），要完成2011年年結，auditors又鬼死咁早開job！Auditors又催，總公司又催，都唔知做得邊樣。唯有放假都開工繼續做，唔好delay咁多啦。

可幸是有新同事返工，佢以前做audit，所以follow audit應該難佢唔到，加上HOD的協助，我放假都放得放心。

星期五晚，公司annual dinner，HOD和我，因為要趕晒auditors要的東西，和總公司的report，所以，變成最後兩個離開公司。HOD和我坐的士的時候，佢講左D野比我聽，原來同我之前估計的，都相差不遠，只是，有一樣東西，令我覺得，人，真的不可以只從外表去看，而且，人的character係好難改變的！

Annual Dinner都遲到，真係好唔好意思，全公司的人等我們兩個，我坐在Admin Manager隔離，都向她解釋一下遲到的理由。

Annual Dinner開始了，整個annual dinner最緊張的環節，就係抽獎，頭一round都係cash coupon或獎品，最二round先係戲玉，抽cash！有小小luck，抽中最細的獎，cash $500！第三round都係cash，只得三名，最高$5000，嘩，不過無我份！！！！

抽完獎，annual dinner 尾聲，散水!!!!