澳門一日遊 之 科學館及舊街

今次是第二次去澳門上實習課。網上找找有沒有平船飛，家人幫我找到金x飛航，生日月份$168來回，於是，我預早一日去買飛，去到才知，碼頭稅減了，只要$149就得。
如果要係澳門外港落船，就一定要係順德上船。不過回程就沒有外港碼頭，一定要係氹仔上船，我們都未去過氹仔碼頭，不過平咁多，咁試下啦。

去到澳門，上次已經登記了自助通道，所以我們去了澳／港居民的自助通道入鏡，點知我們試了幾次都唔成功，於是問下職員，佢帶左我們去澳門居民的自助通道，居然又得。我們幾時變左澳門居民？

第一站係澳門科學館，沒有阿sir帶隊，只係自己黎影影，阿sir話呢到好多野影，不過都有一部份同學有黎。我覺得自己好遊客，因為，我掛住玩多過黎影相，哈哈。




光與影，都間中影下阿sir要求的東西，不過，影得唔好，呵呵！

達文西展館，好多東西都可以玩玩掂掂，體驗一下當中的原理。

Monalisa的數碼復刻版。

航天廳入面，似唔似菲林呀？

樓上還有其他展館，天花版的燈

牛頓

係樓上望返落黎，同學幾咁＂瞓身攝影＂

玻璃反映了好多唔同色彩。

一點幾，lunch time，去了一間廚房係露天，好似車仔麵檔咁餐廳食野，好彩食野的地方係有冷氣的。

食飯，兩點鐘，去集合地點集合，跟阿sir繼續影。
不過，一開始時，有位同學整部機跌左落地，玻璃碎晒，可幸的是，只係filter爛左，支鏡無事，如果唔係，真係好傷！！！
阿sir帶着一班學生左穿右插那些舊街老街，真係要跟住行，如果唔係真係會迷路。

我對影呢方面無乜興趣，所以，都只係間中影下，我又似黎逛街多過黎影相嘞，哈哈。

沿途見到有花車，有一對新人係橫街中出黎。

好搞鬼的路名。

去到呢到，有個澳門伯伯話，你地呢班儍婆儍佬，影到無野可影呀，要影人地D底褲！！！

其實，我地係影＂紀實＂相，反映到現實的，都可以影架！哈哈哈哈！

大家都影到好攰，去到某一間廟時，出面有幾張長凳，我們第一時間唔係聽阿sir講影乜，而係擺位休息休息。

行左大半日，已經頂唔順，要抖抖。

之後再繼續，因為已經開始沒有陽光，所以，阿sir便帶我們去巴士站（又行左一大段路，攰攰攰），坐巴士去氹仔，食飯兼預早去擺位影煙花。