靈魂出竅?

話說今早一早，比阿姐叫左入房，同阿gr一齊聽佢＂訓示＂，我諗無一個鐘都有大半個鐘。出返黎，繼續工作。

Lunch時，同同事一齊食飯，佢地問我，阿姐講左好多人名，我地部門的七七八八，問我佢講緊乜？我的反應係，乜佢有提過咁多的人咩？我好似無聽到案
佢地話，阿姐講得好大聲，基本上全部人都聽到。反而，我呢個坐係佢房入面聽佢講野的其中一人，好像唔知佢講過D乜咁！

食完飯，餐廳外有promo，派飲品，先轉個輪盤，然後說出飲品的味道，我答錯左，那小姐話返比我聽正確答案係乜，唔夠一分鐘，同事問我係咩味，我已經，完全唔記得左個小姐講比我聽的答案了。

死嘞死嘞，唔使5分鐘，我個腦已經將聽過的東西，忘記得一乾二淨。

還是，我係無意識之下，選擇性地接收的自己想聽想記的東西？