兩日一夜之周末之旅

因為出trip的關係，所以順便在新加坡過周末。

第一日，落機後就食LUNCH！釀豆腐及粿條（好似我們的頼粉），隨後的四天都是同老闆一齊食lunch/dinner，所以就無再影相！最正個餐係去食日本野，坐係吧枱，望住師傅切魚生及整壽司！

捱左四日，終於星期五，放假了。

星期五放工後，老闆車了HOD去機場，然後就車我去我自己book的酒店。我上到房，才醒起，我漏了個laptop係佢架車到，打電話比佢，佢問左我晚上去邊，到時拎返部腦比我。我真係大頭蝦，roaming好貴，唔知到時收到張bill要比幾多錢電話費呢？







我們先去Marina Bay Sands！

出面有個咁樣的水池，其實都唔知有乜用？

酒店內裏就是這樣！

整個MBS的模型，實物就唔可以影晒全個！

買飛後，就坐lift去56樓的空中花園(Skypark)

沒有帶相機，唯有用哎濃影啦。

對面的榴槤殼

呢條紫色的pathway，上次去時整左小部份，現在整好晒，不過我地無再行。

Singapore Flyer！

Skypark入面有泳池，可惜只供住客，我們這些訪客就只能夠從外面望入去。望住個夜景游水，正！！！

出面有幾個jacuzz。。。

56/F出lift就見到佢的名！

行完skypark就入左去casino，等我老闆黎，拎返部腦！

輸晒D錢後，便去食dinner，本來想去老巴刹食串燒，但，我們途徑MRT時，見到有人趕車，望望時間，可能已經係尾班車，所以我們唔去老巴刹，改為去坐MRT，返酒店附近才食Dinner！

附近有間24小時的food court，晚餐就食魚蛋粉，魚蛋超爽！

第二朝係酒店食完早餐後，就出發去聖淘沙。

我們買了Day Pass，六個活動中選三個，和Songs of the Sea的ticket。

第一個，是玩這個叫Segway的東西。

第一次玩，Guide先介紹一下怎樣去操控它。見我們可以控制到，就可以出去兜圈子。大約三十分鐘左右吧，完成後，回來這裏。

魚尾獅

之後我們去玩這個叫climbmax的東西，有三個level可選，當然我們選最初級的level 1啦。玩到一半，聽到上面level 3有個女仔大叫，i wanna give up，下面的instructor就叫佢，一係繼續行埋嗰半，一係行返轉頭！好彩我們只係level 1，只敢挑戰level 3。哈哈。

玩完之後，手震脚震。

第三個玩的就係Megazip，高72米，長450米。排隊等嗰陣，聽到D人呼天搶地，真係好驚，諗緊係咪選錯野玩？
終於到自己，工作人員先幫我們扣好安全帶，然後就吊我們出去等，及影相。

Ready！GO！

就咁，就"sir＂緊落去。初初的驚，取以代之的係眼前好靚的景色，感覺好爽好正。值得encore的！

不一會，已經"sir"左係對面沙灘，慢慢行返去，取回自己的東西。

然後坐tram，遊下這些沙灘，去個有冷氣的地方食lunch，就係M記。
然後坐另一架tram，去遊朝早玩Segway時經過的沙灘。

經過吊橋，行上對面建築物，從高處望下。

見到有個動物表演，色費入場，就入去八下。

臨尾，最後一個表演嘉賓就係一條好大好大的蛇。（有朋友怕蛇，所以唔post大蛇的相出黎）

距離睇Songs of the Sea仲有時間。走左去casino，又係一個錯誤的選擇。

買了7.40pm的飛，差唔多時間去到，已經坐了好多人了。

同我上次睇無乜分別，但都覺得精彩過海浪公園嗰一個。

坐MRT去老巴刹食dinner，上次都有黎過，最記得好食的係banana pancake，但我忘了最細的都係好大碟。
上次試左魔鬼魚，今次就試蟹，不過，唔算好好食。
串燒都比較有肉質，唔會太乾。
炒通菜，少少辣，好惹味。

 

星期日就係shopping day。行左成日，只係買左兩樣野，新加坡的東西好貴。

Lunch 就係food court搞掂，Laksa同海南雞飯。



去到機場，還早，見到有isqueeze，就坐低試下。

 

兩日一夜的周末之旅，好快就完左lu，星期一又要開工！