黃子華棟篤笑2010

期待已久的黃子華棟篤笑，終於開show了。

我興奮的告訴同事，她問，點解我會去睇黃子華？唔係林狗？

我無睇過林狗，唔知佢好唔好睇，但，十年前睇過黃子華的十下十下，當時覺得佢好叻（雖然現在已經唔記得佢講的內容），所以，今次對佢好有期望。

網上訂飛第一天去訂，都係訂到12行，好遠呀！

四面台，場大左，怕佢handle唔到，因為以前都係伊館等比較細的場，容易d去control現場氣氛。

八點半，佢終於現身，問題是，佢的mic無聲。

換過另一支，都係無聲。

唔知係堅定流，係真係無聲定係gimmick，不過，好在坐得前，佢無mic講野，我地都仲聽到。佢問一句，我地答一句，好投入。

終於，職員比返一個有聲的mic比佢，正式開show。

收回相機，專心睇show，氣氛超好，觀眾不停大笑和拍手掌。

坐第12行，都係睇唔到佢表情，所以，都係要望住電視機才可以睇到佢的表情。一個good show，值得入場欣賞，雖然有時，有些位聽唔明，但佢反應夠快，立刻＂做返d野＂，唔會dead air。

原來，去紅館的表演者，就算唔係唱歌，都想講＂山頂的朋友，你地好！＂，哈哈。