海下灣 - 浮潛，獨木舟

上星期六早上出門口時，雖然天陰陰，但，都照計劃出發，去海下灣玩獨木舟和浮潛。

到達西貢時，比約定時間早，獨個兒去吃了個豐富的早餐，為這天預備充足的energy，哈。

見到小雲，就和她去買lunch，瑞士雞脾，然後，就坐#7小巴，向海下出發。

去到海下，便去租獨木舟和Mask，小雲和小吉扒雙人艇，而我就扒單人的。今次是我第二次玩獨木舟，但第一次玩浮潛。

好藍呀，個天！

向小吉學了點樣扒之後，就在佢地協助下首先上獨木舟了。

佢地成功上獨木舟後，我們就向第二區進發。

扒了一陣，手已經有點攰，但，休息一陣，再繼續。

終於，到達第二區，我們便落水，嘩，見到有海膽（之後小吉告知是海刺，唔係海膽），海參，不同的魚，硬珊瑚等等。

海刺：

海膽：

珊瑚／海參：

游呀游呀，有些地方，充滿了海刺，我在它們上面游過的時候，心裡有種莫名的恐懼感，太多了，好像會刺到我一樣，快快游走。

之後，我們就游去沙灘，在那裏吃我們的午餐，在沙灘上發現海星，對於呢d海洋生物，真係有點唔敢去摸，最後，我都有拿着它拍照。

海星

第一次見海星郁呀，好得意呀。

 

有扇貝，青口等不同的貝殼類，又有魚仔，當然仲有我見到都怕怕的海刺。

之後，我們再扒獨木舟去第三區，嘩，D水好清呀，在獨木舟上已經望到海底有海參，海刺，魚，珊瑚。不過，當然我們都有落水，可以再近距離望它們。

係呢到，真係見到海膽，不過數量就比海刺少。

小雲和小吉不停咁指比我睇，因為有些東西，真係睇唔到，其中有樣東西，我覺得它好像泥膠，痴左係舊石到，但佢身上有一點東西，霎下霎下，唔係小雲指比我睇，我一定留意唔到。

這裏還有軟珊瑚，魚的種類更多，雖然，無一種我講得出佢地的名。

好有趣的毛毛球

浮到攰，便起程回航，扒回來的時候，開始覺到膞頭好攰。

回到起點，就發現，兩隻腳都紅了，而且有點刺痛的感覺。

小雲和小吉試了單人獨木舟，而我也試了雙人獨木舟，雙人獨木舟好重，用同一個力根本扒佢唔郁，哈哈。

在沙灘玩了一陣，才去沖身，過了好開心，雖然有點攰，的一天。