海下灣 - 浮潛，獨木舟(二)

8/28星期六，今個夏天，再一次去到海下灣玩獨木舟和浮潛。除了小雲和小吉之外，還有另外兩個朋友Kathie和Ricky一齊去玩。

上次的戰績係曬傷左兩隻腳（還在甩皮中），今次的戰績就係多左幾處瘀痕和一個小傷口。

約了8:45am在西貢小巴站等，早到了，去了M記買了個飽當早餐，而且係OK買了咖哩魚蛋當lunch。

今次坐到8:55am的小巴，三十分鐘後到達海下灣，租獨木舟和浮潛工具後，換衫便落水了。

忘記帶帽，唯有用條毛巾頂住先，免曬傷頭。

首站是第三區，今次選在浮波附近下水，有海蔘，海膽，海刺和不同的魚，當然還有珊瑚。

浮浮下，突然覺得背後多左d野浮出來，用手摸摸，才發現，救生衣爛左，入面會浮的東西甩左出來，我唯有去岸邊，將它放回救生衣之後才浮潛過，但這個動作不太有用，很快它就再掉了出來，因為差唔多食lunch要上回獨木舟，那我就由得佢，用手拎住，遲些再算。

上次在岸邊上獨木舟，今次在水中間上，真係難好多，但最終都順利上艇，扒返去沙灘食lunch。

除了今早買的咖喱魚蛋，還有瑞士雞翼和小雲的生果螺絲粉，食食下，聽到雷聲，好在只聞其聲，沒有下雨。

吃飽，就在附近浮潛一陣，這裏有好多好大的海刺，長長的刺，好得人驚。還有好多好多的寄居蟹，在海底漫步。

上次見到好多海星，今次只係見到一隻，但好似都係已經去左閰王那裏了。

之後，我們打算扒去第一區，近碼頭的地方，點知，隻雙人艇有些問題，控制唔到方向，就算不停用右撑，都係向右轉，錯晒，嘗試由一隻單人艇引航，都係唔得，兩隻泊埋一齊，都唔係好work，最後，由兩隻單人艇夾住隻雙人艇，才順利駛回沙灘，還剩一隻單人艇，用作儲物，就由我扒去碼頭，其他人就游去。（佢地話游得慢嗰個要扒艇喎，加上我又擦損了隻手指，有個5mm x 5mm的地方甩皮了）。鳴鳴！

不過小雲話中途得些海蔘，無乜特別野睇。

去到碼頭附近，等埋佢地，我就落水了，雖然話有小傷口，唔好浸咸水（好”拿”），但，算吧啦，黎到無理由唔落水睇野，少少痛，由佢啦。

呢到有好多好多魚群，細魚仔又有，大魚仔又有，在身邊游來游去，感覺佢地唔驚人咁，好得意。

 

由朝玩到晚，5點幾了，要回程了，沖身完畢，坐了6:45pm的尾班小巴回去西貢。等車時，繼續餵蚊，大出血了。

去到西貢，我和小雲，小吉就去了Paisano’s吃東西，Kathie/Ricky就去了食甜品。

第一次見一個24吋的pizza，佢地7個大人，3個小朋友加一個手抱bb，食呢個大pizza，最後佢地都要打包拎走，食唔晒，super king size。

我地得三個人，當然唔會叫呢個super king size架啦，最細的都有14吋，我們叫了一個14吋的，加了一碟千層麵，和飲品。

個14吋的pizza，都真係好大，三個人，真係食唔晒，還有四份一個pizza剩。唔好嘥，都係打包返屋企，明天lunch食埋佢。

玩飽食飽，就拖住疲倦的身軀回家去。