父親節@小南國

避開正日的人多，所以，我們提前食父親節飯。

先黎冷盤「醬油海哲頭」，好爽，睇落好咸，食落味道唔係好濃，好食。

砂鍋雲吞雞

「亂棍撞打牛魔王」，名就奇怪D，咪就係四季豆炒牛柳囉，炒得好入味。

松子魚，魚皮好腥，只可以食魚肉，要走皮。

唐僧上素，即係雜菌炒小唐菜。

薺菜炒上海年糕，家人話好大草青味，食唔慣，但我又覺得ok，幾好食喎。

担担麵，一般水準，無乜特別

超厚皮的小籠包，真係做到包皮咁厚

食飽正餐，當然食甜品啦。

棗泥千層糕，好煙"近"，唔係太甜，都唔錯。

香蕉豆莎鍋餅，同小籠包一樣，個皮好厚好硬，但個餡味道就好好。