新加坡遊 (5/21/2010-5/27/2010) - Day 4-7

Day 4-7

玩完兩日，踏入返工的日子，酒店唔包早餐，所以，便要自己出去食早餐，我和Manager的酒店房唔包早餐，只有HOD的才有，HOD留了酒店的早餐給Manager，而HOD就和我外出吃早餐，在酒店對面的hawker centre食。食完早餐，就在酒店門口等VP來接我們返工，因為，她開車返公司時會途經我們入住的酒店。

Day 4:食了吞拿魚三文治和Iced Mocha

Day 5: 魚片炒米粉+Lime Juice

Day 6: 魚蛋米粉+Iced Mocha

每天中午及晚上都會和新加坡同事及老闆一齊食飯，因為同老闆一齊，所以費事影相。每餐都好多餸，而老闆又唔鍾意嘥野，要求我地食晒所有的東西。大家都好飽好飽。每次，我地都會講，唔好叫太多野食，會食唔晒。但，老闆每次都叫好多野，食到大家都怕怕。

星期三晚，因為我地要去買手信，所以，要求夜晚自由時間，唔使一齊食晚飯，讓我們有時間去買東西。放工後去了牛車水，買完手信，就係附近的Hawker centre食晚飯，由HOD和Manager發板，我坐係到擺位，嘻嘻。

有薄餅，我覺得我係老巴刹食的好味D，可能唔同款。

炒蝦麵，新加坡出名的，但，我唔覺有什麼特別。

炒貴勺

辣椒雞翼，好熱氣，幾好食，但唔係好辣。

炒通菜，賣飛佛，因為係新加坡食得好少菜。

魚蛋，好滑好爽。

食完東西，就坐的士回去，再去酒店附近的supermarket買東西。

Day 7: 今朝去了有冷氣的McDonald食早餐，然後才check out，帶晒行李會公司。下午4:45pm係公司走，5:00pm去到機場，我們已經check in，所以只需要寄行李。

第一次見biz class那柜位有咁長的人龍，而我地economic class的，就更加長龍，同事打算寄完行李才去買斑蘭蛋糕，點知，我們排左好耐，都係做左一兩個人，我叫佢地先去買東西，佢地買完野，我郁都無郁過，點解staff做野做得咁慢？我地最後搞左成30分鐘才可以寄到行李，已經5:45pm，立刻過關，要去登機了，6:15pm起飛，但，我們預計不能準時起飛，因為我們之後仲有一堆人未寄到行李。

最後，我們遲左差唔多20分鐘才可以起飛。十點幾才回到香港，坐的士回家，明天，還有返工。