閒遊蒲苔島上集

講左成年的蒲苔島之遊，終於在尋日完成！

星期四時，天色比較暗，亦有大雨，我地以為我地呢個行程亦要改地點，已經諗好左後備節目。好在到星期五，一早見到太陽伯伯，所以，我地又興奮咁約時間。

因為每天只有一班船，友人K的男友好緊張，怕我地會遲到，所以再三叮囑我們三個一定要準時，結果係...

我們三個人係銅鑼灣坐小巴，9:15am已經到達香港仔碼頭，友人K跟男友在南丫島搭船去香港仔碼頭，9:50pm才落船，我們就坐係碼頭附近，吹下水咁等佢地兩個，往蒲苔島的船好準時係10am開出。

今天的主題係：Taiwanese girl。即係咩，我地影相時，要擺出1，2，5手勢，我每次幫友人影時，都係忍唔住笑出黎，因為，佢地擺的pose，都係好鬼搞笑架。

碼頭附近的其他船隻。

船在出發時，有隻鷹在上空盤旋。

有漁船

我們最初坐在下層船尾，之後走了去船頭，超大風及大浪，我們上左上層，係駕駛艙出面，因為阻礙船長視線，所以我地坐晒係地下。但浪好大，有時會拍上上層我們坐的位置。

大約一小時十分鐘，我們到達了蒲苔島!

好多海草

我們行了第二段，首先經過竹林

沿途影下海景，天氣比想像中好，以為今天會天陰，所以，我預備不足，沒有帽，沒有太陽鏡，沒有太陽油。

蒲苔島上有奇岩怪石

似唔似手掌？

島上一名勝：靈龜上山石

我們爬過石頭，終於黎到"North of the North"，點解？

蒲苔島係香港最南面的島，而我們去了島上的＂南角咀＂，即係香港最南面的島上的最南面，友人興奮大叫，"we are in the North of the North"，我們立刻大笑... 其實，佢係想講South of the south

我地坐係岩石上，欣賞海浪拍打的情況，好澎湃，好刺激，雖然未能捕足最勁的浪黎影。

友人行到老遠，我地就攤係石上曬太陽。

之後，開始回程，遇到另一名勝，佛手岩，大家覺得似唔似呢？

待續