後記＠放緃西班牙之旅

十日的西班牙之旅，真係過得好快，可能係開心的時間過得特別快，雖然唔係完全唔睇時間，但，除左真係要趕車/飛機之外，我地就沒有特別去睇時間，每個地方，都係隨心想留幾耐就幾耐，沒有跟團的限時限刻。

我用放緃這個字作標題，並不是代表我在西班牙做過D咩，只係，我覺得，係西班牙，好多野都可以好隨心，雖然，我仍然是好typical的tourist，想去多一點地方，見識多一點，因為，機票好貴，唔想白白去到只是吃和坐（雖然事前我係話去hea)，只坐和吃咁樣hea法，我覺得可以選機票較平的台灣或新加坡。去到咁遠，就要好好去欣賞那個地方的建築物和景色。

放縱，只代表我沒有時間的限制，沒有控制飲食，每天都在吃雪糕，芝士，飲咖啡等等高卡的食物，係香港，我點會敢比自己咁食法呀，哈哈。

同事問我，西班牙有咩好玩，其實，她沒有什麼地方好玩，沒有樂園，沒有水上／水底活動。但，我喜歡這地方，只因她的天氣，她的食物，她的建築，雖然隔一段時間，我會忘記這些教堂哪個是哪個？

事前都有點擔心當地治安，因為上網睇人地的blog或睇書，都說當地有小偷等，治安麻麻。但，去到之後就覺得完全沒有必要，擔心是多餘的。整個旅程，都可以好安心咁周圍去觀光。

如果下一次要再去西班牙，我會想去睇今次睇唔到的鬥牛，和去一些北面的城市，因為，十天，時間太短，不能去晒想去的城市。

下次想去邊度旅行？柏斯，沖繩，北海道，馬爾代夫，西藏，希臘等等...都係係我旅行之列，(一句講晒，全世界），幾時才可以去得晒想去的地方，發夢時去下先啦！哈哈！

最...@西班牙

第一天