沙龍技巧旅遊攝影

2009年年尾，同家人一齊去上攝影初班，我地用的，是普通的DC仔，因為是初班的關係，導師經常都講，等上完堂，先決定買邊部單反機，唔好心急咁快買，而我地，係乖學生，沒有咁快買。

但，問題出現了，就是，外影實習的時候，導師所要求的效果，用我地的機仔，根本就沒可能做得到。導師話，唔緊要，最緊要係試。

我地上的係初班，但外影的時候，我地發現左一樣好奇怪的現象，就係，初班的同學，佢地手持的，根本就唔係入門機，好多都拎住好prof的相機，除左我地兩個人，用緊機仔。滿腦子疑問，點解佢地會黎上初班架啦？佢地的架生，一D都唔初級，唔單止唔初級，絶對係好prof的機黎tim。至於攝影技巧係咪好prof，就不得而知嘞。

上完上個初級課程，今日，就去上另一個課程，「沙龍技巧旅遊攝影」，第一課係講「旅遊攝影」及「沙龍」的分野，講及好多理論的知識，除左理論，就有相片分享，從欣賞別人的作品，去觀摩別人的拍攝手法，怎樣去構圖，怎樣去取景等等。

攝影，真係要多影，才可以掌握到手上的相機的function，否則，除了auto之外，其他，都係唔識用，哈哈。