生日篇@Sabatini

之前我上網揀左六間餐廳，最後由朋友扑搥，揀左呢一間，原因係之前一直想試，到今次有藉口去一去試一試！

我地坐係餐廳的最入面，感覺比較靜一點，而且，好似遠離其他食客一點！入到去，當然第一件事要叫野食，Menu係意大利文加英文description，其實，我睇完都唔知係咩黎，所以，交左比朋友拍板！

首先黎的係麵包，真的好好味，我食左好多，嘻嘻！

頭盤選了ham加melon，原本只有兩份，因為我們三個人share東西來吃，所以佢地加了一份給我們！

頭盤之後，就是湯了，我們每人選了不同款，大家都可以試了三款不同的口味！

Musroom Soup

Beef Soup

Vegetable Soup

跟著就是pasta，海鮮好新鮮，好味道！

等了一段時間，主菜終於到了，我們是share食，以前通常都是自己去分的，但他們是預先係廚房或在我們的餐桌前，幫我們分好，才遞上我們的枱面，省卻了我們自己分的麻煩！主菜係魚和雞，佢介紹用pan fried去整呢個魚，做到魚皮好脆，但魚肉就仍然多汁，唔係好似grill咁“乾真真”，至於隻雞，其實都okay好味道，但相對黎講，魚較好味道！

和主菜一齊黎的side dish，我們選了green salad，最初以為佢地漏單，但原來是跟主菜一齊黎，哈哈！

食完主菜之後，我的生日蛋糕就到了，因為三個人吃不下整個蛋糕，所以朋友只點了件piece cake，有隊band唱生日歌，影左張即影即有的相片，然後問我想聽咩歌，我沒有什麼心水，所以佢地選了呢一首歌“You’ve got a friend”，第一次聽呢一首歌，但那女歌手的聲音真的好好聽，聽到我有些感動，差點流淚，當然，我忍住咁同佢地講，我好感動同好開心！

然後，佢地比我再係甜品車揀甜品，最後我選了這個蛋白做的dessert，同佢地一齊share食，吃過甜品，我地係餐廳影下相就離開了！

係度，再一次衷心多謝兩位朋友同我一齊渡過2008的生日！