尋日放工後，就同朋友坐5:15pm班船入了南丫島，但那隻船又細，又焗，又臭，搞到我好唔舒服，差D想嘔，我D朋友都有同感！終於捱過那差不多30分鐘的船程，一落船，就覺得清新的空氣係真係好好架！
我地本來帶住好興奮的心情上船，因為係中環望住個天，好藍又靚，但經過那程船，成個人都謝晒！
去到朋友的屋企的天台，個個就好似「攤屍」咁攤晒係度，好謝！
坐係度，一邊飲野，一邊睇日落，都好寫意架，不過，尋日太cloudy，所以，唔係好睇到咸蛋黃！
日落之後，就是月亮出黎的時候，因為唔係月圓，所以只見到小小灣月！
我們的bbq爐，係新爐黎架，我地係first time user...哈哈！
豬肉腸
雜菜沙律，入面有水牛芝士（白色一粒粒嗰D)，我第一次食！
朋友的男友用佢的secret recipe醃制的雞翼，味道居然出奇地好，問佢個secret recipe係D咩，佢講左一堆英文的調味料，都唔好聽得明，不過，唯一聽到佢話最secret的係，用了white wine，哈哈，中國人醃雞翼都用白酒，外國人都會用白酒，不過，此白酒不同彼白酒，嘻嘻！
羊扒及雞中翼，不過，買回來的已醃的不及朋友自己醃的好味！
party未完，但我要趕尾班船(11:30pm)回市區，先走了，大家繼續玩得開心D啦！
尋日間中都有黑雪, 好彩無落雨 嘩! 好似最近先加價wor...仲又焗又臭, 真係過份!
回覆刪除[版主回覆07/07/2008 12:51:00]我嗰晚返到屋企先落雨，真好彩！
咪係lor，叫左朋友去complain（不過唔知佢會唔會真係去complain)，哈哈
乜隻船無冷氣架咩？ 一班人燒野食真係開心呀！ 我同Ｄblog友之前都計劃左去南丫島燒呀！ 但最後怕落大雨改左去咖啡灣，點知當日又居然勁好天，激死！
回覆刪除[版主回覆07/07/2008 12:56:00]有冷氣，不過唔知係開得細，定抑或架船太多人！
燒野食真係好開心架，一班人圍埋一齊吹吹水！其實我都唔使燒，朋友燒完我等食，哈哈！
近排天氣變化不定，所以，都幾難plan，不過好彩我地係係朋友天台燒，所以如果唔係勁大雨都okay！
睇唔到日落都有bbq, 而我睇唔到日出兼捱眼瞓tim
回覆刪除[版主回覆07/08/2008 08:27:00]當做下運動lor...
小雲小吉 :有天台幾好呀 !落雨不怕 人落雪也不怕..................
回覆刪除[版主回覆07/21/2008 13:36:00]哈哈，係幾好架．．．不過入去就遠水路D lor，又車又船...