今日去了睇赤壁，很久沒有買飛睇戲，尋日打算網上買飛睇赤壁時，才發現，宜家D戲飛好貴，居然要$70一張飛，因為想睇呢套戲的關係，所以都打算買飛入場睇！係我猶豫買海運定港威的飛的時候，朋友call我叫我唔好買住，佢可能有免費飛！好快佢就confirm我，真係有FOC的ticket，哈哈，因為我的猶疑，居然可以慳返$70同手續費！
入場之前，其實都有點担心會悶，因為套戲有成140分鐘咁長，驚有悶場會瞓著，加上我對歷史沒有什麼認識，只知套戲係講諸葛亮（因之前看過一遍訪問金城武的文章），其他一概不知！
故事講述曹操攻打劉備，而劉備屢敗屢戰，永不投降於曹操，而諸葛亮獻計，要打敗曹操，先要與東吳的孫權聯盟，才可以有機會對抗曹操！諸葛亮就去游說孫權同周愉，最後孫權同意並以周愉為統帥，與劉備的軍隊，一齊抵抗曹操的軍隊！
古代的打仗，是騎兵，步兵去打，不像現代的戰爭片，有飛機大炮等，以為會好悶，但原來，睇佢的用的戰術，兵法，都幾有趣！雖然有部份時間覺得佢拖長左少少，但整體都係一套值得推介的電影！
不過，最期待的係想睇火燒連環船，點知，赤壁之戰尚未開始，赤壁已經完結！或者，佢會有下集交待返赤壁之戰吧！
唔係嘛! 只係赤壁之戰既開場白!
回覆刪除[版主回覆07/14/2008 13:04:00]睇完先知lor，所以覺得佢有下集．．．
感覺上好似有 D 悶喎!
回覆刪除[版主回覆07/16/2008 19:06:00]我就覺得okay wor...可能唔使錢係一個因素...哈哈...
睇完真係有d無引要等下集!
回覆刪除[版主回覆07/23/2008 12:43:00]不過，我諗我都會去睇埋下集．．．好想睇火燒連環船嗰幕...