南丫島一天遊

星期日去了南丫島行山，朋友星期六已經係南丫島過夜，因他們開Uniform Party，我並沒有參與，所以星期日才一個人坐船入去，好耐無去過南丫島了！

係中環坐了半個鐘船入到南丫島，朋友在碼頭接我，沿途一路買野食，買到去朋友的朋友屋企，我們認真為食，哈哈！

係人地屋企hea了一陣，四點鐘出發去行，來回都不用兩小時，一個比較舒服的路徑，不過，如果唔係有人住係度帶我們行，我諗我地都唔會搵到呢條路，嘻嘻！

行完先至六點，係沙灘旁邊坐低飲杯野，好enjoy呀！

七點幾先去食dinner，吃飽後坐九點半的船返中環，係行去MTR站時見到有人拍戲，男的係陳豪，而女的係．．．聽講好似係楊枱，我唔係好認得出係佢，唔知係咪夜的關係，都無咩人圍觀！

風力發電機

紅得好靚的一朵花

我們已經登上最高峰了！

五個人的手放在標柱杆上面，你估邊隻係我?我地真無聊！

雖然天氣唔錯，但天空唔夠藍！