行山樂及海鮮餐

星期日約了兩個同事連同她們七個朋友，十個人一齊去西貢行山，行程由西灣亭行到浪茄，再到東霸，然後在西貢吃海鮮！

首先在西貢碼頭集合，一齊吃午餐，坐了約$85的士去到西灣亭，不過，就發生左一件好「火罹」爆的事

十個人分2部的士，我同其中一個同事及她三個朋友一部的士，去到西灣亭下車時，我右面的同事開不到右面的車面，所以我就跟著左面的兩個朋友下車，怎料，當我伸了隻脚出去時，那左面朋友關車門，一野就將車門夾住我小腿上五寸下五寸的位，我立刻叫左出黎，好痛，眼淚居然控制不了流了出來，係兩同事及七個第一/二次相識的朋友面前，真的「火罹」爆！

他們問我要不要抖一陣才出發，因為我已經覺得好晏，所以不想再拖誤時間，而且，係關門夾嗰一下好痛之外（返屋企之後發現瘀左一塊），好快就冇咁痛，我覺得自己應該行到，冇問題，而且如果唔出發，九個人圍住我都好無聊，所以叫了他們出發，最初時有少少痛，但之後就無問題，正常郁動！

沒有太多的陽光，行起來都幾舒服，但，影相就掙D！

大家勁無聊，不過，冇一隻脚係我的！哈哈！

浪茄，你估下佢地係到做緊咩？

答案係，準備跳起，不過我捕捉得不好，未跳先拍了！

海鮮餐，8個人，每人$251，我們一面吃飯，一面在玩有口難言，勁搞笑，拍了好多video，不過，現場睇會好笑好多！

墨魚刺身

等了好耐先來個炒蜆，老闆送了個芒果布甸，原本打算去食甜品，但等了海鮮等好耐，所以放棄冇去吃甜品了！