星期一，天使突然間問我，公司是否蝕錢，我回答之前，反問她為何會關心這個問題？
原來，魔鬼給了天使三個目標，要天使係半年來要達到，否則，半年後就要out！無得留低！！！
我不禁懷疑，究竟這些目標，能否公平地評核？因為，好多的事都是好主觀的，有時覺得，已經被判死罪，可以推翻的嗎？再者，就算真的可以達標，會否有另一些藉口去兜她走？
又開始猜測，會有些什麼的新搞作，又重整架構？
當我係度估下估下的時候，答案，係星期三出現！
明年，又一次重組架構，最大的變化係，居然有人係被「鄧冬菇」，我覺得，點解唔索性炒左佢，係咪唔想賠錢，想迫佢自動辭職，但咁樣，係咪有點cheap呢？
我的工作，大致和今年差不多，但，加了要做SZ的operation，這個，雖然有點不想，但並不是我最不滿的地方！最不滿的係，要調位，要我坐係魔鬼的出面，離開我現在的「安樂窩」
我開始，為我的未來擔憂！會否有一日，我都會面臨「鄧冬菇」的命運？我真的覺得，係呢度，同事之間已經沒有士氣，當這個新架構公布之後，一定會好動盪！每個人都人心惶惶，都不明白，這樣有利我們的工作嗎？
沒有留言:
張貼留言